مرمو کرِ ترٛٮ۪ن افریقی مُلکَن ہُنٛد دورٕ۔

در دروپدی مرمو کَرِ 13 پٮ۪ٹھ 19 اکتوبرَس تام ترٛٮ۪ن افریقی مُلکَن- الجیریا، موریطانیہ تہٕ ملاوی ہُنٛد سرکٲرِ دورٕ۔
وزارت خارجہ کِس سکریٹری (اقتصادی تعلقات) دامو روی تہٕ سکریٹری (سی پی وی اینڈ گلف) ارون چٹرجی یَن دِژ یہِ زانٛکٲری بۄدوارِ دۄہ ییٚتہِ أکِس پریس کانفرنسَس منٛز۔
تٔمۍ ووٚن زِ یہِ آسہِ کٲنٛسہِ ہِنٛدُستٲنہِ سربَراہِ مُلکُک ترٛٮ۪ن افریقی مُلکَن ہُنٛد گۄڈنیُک دورٕ۔ صدر مرمو یِیہِ الجیرِیاہُک صدر عبدالمجید تابون سٕنٛدِس دعوتس پٮ۪ٹھ 13 پٮ۪ٹھ 15 اکتوبر 2024 تام الجیرِیاہُک دورٕ۔
روی یَن ووٚن زِ دورَس دوران کَرِ مسز مرمو الجیرِیا کِس صدٕرَس سۭتہِ دوطرفہٕ کَتھ باتھ۔ تٔمِس سۭتۍ یِن واریاہ الجیرِیٲیی معزز شخصیتہٕ مُلاقات یِمَن منٛز نیشنل کونسلُک صدر (الجیرِیٲیی پارلیمنٹُک ایوان بالا ) تہٕ نیشنل پیپلز اسمبلی (الجیرِیٲیی پارلیمنٹُک ایوان زیریں ) شٲمِل چھِ۔
تٔمۍ ووٚن زِ صدر کَرِ الجیریا اکنامک فورم تہٕ سیدی عبداللہ یونیورسٹی آف پولَس منٛز أکِس تقریٖبَس منٛز خطاب ۔