صنعت کار رَتن ٹاٹا گُزریٛوو۔

تجرُبہٕ کار صنعت کار رَتن ٹاٹا گُزریٛوو بۄدوارِ دۄہ ژیٖرِ رٲژ مٗمبیی کِس أکِس ہسپتالَس منٛز۔
86 وُہُر رتن اوس ٹاٹا گروپُک چیئرمین ایمریٹس۔
7 اکتوبر آو ٹاٹا بُزرگ تہٕ صحتٕکۍ مُختٔلِف مسلہٕ تہٕ بلڈ پریشر کہِ وجہ سۭتۍ جنوٗبی ممبئی کِس بریچ کینڈی ہسپتالَس منٛز دٲخٕل کرنہٕ۔
صدر دروپدی مرمو، وزیر اعظم نریندر مودی تہٕ مُلکٕکۍ باقی رہنُماہن کوٚر ٹاٹا سٕنٛدِس مرنَس پٮ۪ٹھ تعزیت تہٕ کوٚرُن سُہ اکھ بصیرت وول کارٕبٲرۍ رہنما، رحم دِل روح تہٕ اکھ غٲر معموٗلی شخصیت قرار۔