”آپریشن سِندوٗر” چھُ ہِنٛدُستانٕچہِ مُقٲمی طاقتٕچ اَکھ روشن مِثال: ؤزیٖرِ دِفاع راج ناتھ سِنٛگھ

وزیرِ دِفاع راج ناتھ سنگھَن ووٚن زِ ”آپریشن سِندوٗر” چھُ ہِنٛدُستانٕچ بڑوٕنِس خۄد کفیل دِفٲعی صلٲحیتُک ثبوٗت، یُس حکوٗمتٕچ اکھ مضبوٗط مُقٲمی دِفٲعی مینوفیکچرنگ نظام قٲیِم کرنہٕ خٲطرٕ سرکارٕچ انتھک کوٗشِشہِ سۭتۍ مُمکِن گوٚو۔ سُہ اوس برٛسوارِ دۄہ پوُنے ہَس منٛز مُنعقد سمبیوسس سکلز اینڈ پروفیشنل یونیورسٹی ہٕنٛدِس کانووکیشن تقریبس منٛز طالب علمَن خٕطاب کَران۔
مسٹر راج ناتھ سنگھَن ووٚن زِ حالانٛکہِ دِفٲعی خود انحصاری ہُنٛد آغاز اوس مُشکِل باسان مگر ؤزیٖر اعظم نریندر مودی سٕنٛزِ قیادتَس منٛز چھِ حکوٗمتَن گَریلوٗ دِفٲعی پٲداوار بڑاونہٕ خٲطرٕ لَگاتار اِقدامات تُلۍمٕتۍ، یِمَن ہٕنٛدِ مثبت نٔتیٖجہِ وۄنۍ بوزنہٕ چھِ یِوان۔
تٔمۍ ووٚن زِ آزٲدی پتہٕ واریاہَس کالَس تام اوس مُلکَن ہتھیارن ہٕنٛز خریدٲری باپتھ غٲر مُلکی مُلکَن پیٹھ دارمدار تِکیازِ مُلکَس منٛز اوس نہٕ کانٛہہ سیٲسی عزم یا مُنٲسِب قونوٗنی ڈانٛچہٕ۔ وونہِ گو٘ وۄنۍ چھُ حکوٗمتَن ہِنٛدُستان کیٚن فوجیَن خٲطرٕ مُقٲمی طور بناونہٕ آمٕتہِ ہتھیار تیار کرنُک عہد کوٚرمُت۔