بڈگامَس منٛزآیہِ یوٗ اے پی اے یَس تحت غٲر منقولہ جایداد ضبط کرنہٕ: پولیس

پولیسَن وون زِ وسطی کشمیر کِس بڈگام ضِلعہٕ کِس سنڈی پورہ گامَس منٛز ملی ٹنٹ نیٹ ورکَن تہٕ تِہنٛدٮ۪ن سٲتھیَن خٕلاف جٲری کاروٲیی چھِ غٲر قونوٗنی سرگرمین (روک تھام) ایکٹ (یو اے پی اے) تحت ضبط کرنہٕ آمٕژ۔ تِمَو ووٚن زِ یہِ جایداد چھِ سنڈی پورہ، بڈگامٕک روزن وٲلِس مرحوٗم غلام محمد لالائی سٕنٛدِس نیٚچوِس مظفر حسین لالائی سُنٛد یُس پٲکِستان ژوٚل چُھ یہِ جایداد ملی ٹنسی ہٕنٛز ٕکاروٲییہِ فروغ دِنہٕ باپتھ استعمال کران۔ تِمَو ووٚن زِ جایداد چھےٚ 10 مرلہٕ پلاٹ یتھ منٛز زٕ منزلہٕ رہٲیشی مکانہٕ شٲمِل چُھ۔ پُلسٕکۍ ترجمانَن ووٚن أکِس بیانَس منٛز زِ تحقیٖقاتَس دوران گوٚو یہِ ظٲہِر زِ یہِ شخٕص اوس یہِ جایداد کٕننٕچ کوٗشِش کران تاکہ یہِ رقم یِیہِ ملی ٹنسی کارروائیَن مدد کرنہٕ باپتھ استعمال کرنہٕ۔ تٔمۍ ووٚن: ‘اَتھ سلسلَس منٛز اوسُکھ ایف آئی آر نمبر 38/2024 تحت اجازت حٲصِل کوٚرمُت یُس پُلیٖس تھانہٕ چاڑورِس منٛز غٲر قونوٗنی سرگرمین (روک تھام) ایکٹ 1967 (یوٗ اے پی اے) تحت درٕج کرنہٕ آمُت چھُ’۔