راہول گاندھی چھُ وایناڈ گژھنہٕ کِس فٲصلَس پٮ۪ٹھ وزیر اعظم سُنٛد شُکریہ ادا کوٚرمُت

لوک سبھاہَس منٛز اپوزیشن لیڈر راہول گاندھی یَن کوٚر ہفتہ وارِ دۄہ کیرالہ ہَس منٛز پَسٮ۪و سۭتۍ متٲثر وایناڈُک دورٕ کرنُک فٲصلہٕ خٲطرٕ وزیر اعظم نریندر مودی سُنٛد شکریہ ادا تہٕ ووٚنُن زِ تٔمِس چھُ بھروسہٕ زِ سُہ کرِ تبٲہی مدنظر یہِ قومی آفت قرار۔
پننِس سوشل میڈیا ہینڈل ایکس یَس پٮ۪ٹھ لیوکھ مسٹر گاندھی یَن زِ "مودی جی سُنٛد شُکریہ، یِمو ذٲتی طور تباہ کن المیہ ہُنٛد جٲیزٕ نِنہٕ خٲطرٕ وایناڈ یِو۔ یہِ چھُ اکھ اصل فٲصلہٕ۔ مےٚ چھُ پَژھ زِ اَکہِ لَٹہِ ییٚلہِ ؤزیٖرِ اعظم پانہٕ آفتٕچ شدت وُچھِ، سُہ کرِ یہِ قومی آفت قرار۔