الیکٹرانک سمن تہٕ ڈیجیٹل ریکارڈ چھِ نٔوِس قونوٗنَس منٛز ثبوٗت پٲٹھۍ قٲبِل: مودی

ؤزیٖر اعظم نریندر مودیَن ووٚن بَٹہٕ وارِ دۄہ زِ الیکٹرانک تہٕ ڈیجیٹل ریکارڈَن سۭتۍ الیکٹرانک موڈس منٛز سمن سوزنُک نظام چھُ وۄنۍ قونوٗنی طور تسلیم کرنہٕ آمُت۔دۄن دۄہَن ہِنٛدِس نیشنل کانفرنس آف ڈسٹرکٹ جوڈیشری منٛز پننِس افتتاحی تقریرَس منٛز کوٚر مسٹر مودیَن نٔوۍ قونوٗن غلام نوآبادیاتی ذہنیت ہٕنٛدٮ۪و زنجیرو نِش آزاد قرار تہٕ ووٚن زِ الیکٹرانک تہٕ ڈیجیٹل ریکارڈَن چھُ انڈین ایویڈنس ایکٹَس تحت ثبوت پٲٹھۍ تسلیم کرنہٕ آمُت۔جناب مودیَن دِیُت انڈین سول ڈیفنس کوڈُک تہِ حوالہٕ تہٕ ووٚنُن زِ الیکٹرانک موڈس منٛز سمن سوزنُک نظام چھُ عدلیہَس پٮ۪ٹھ زیر التوا مقدمَن ہُنٛد بوجھ کم کرنہٕ خٲطرٕ جٲری۔مسٹر مودیَن ووٚن زِ اَمہِ علاوٕ چھِ تبدیٖلی خٲطرٕ واریاہ قدم تُلنہٕ آمٕتۍ۔ آزٲدی ہٕنٛدیٚن 70 ؤرۍ یَن منٛز گۄڈٕنِچہِ لَٹہِ چھِ مُلکَن قونوٗنی ڈھانچس منٛز یژھ بٔڑ تہٕ اَہَم تبدیلیہٕ کٔرمٕژ۔انڈین جوڈیشیل کوڈ کِس شکلہِ منٛز نٔوِس ہندوستٲنی عدالتی نظامُک حوالہٕ دِتھ ووٚن تٔمۍ زِ یِمَن قونوٗنَن ہُنٛد جذبہٕ چھُ "شہری گۄڈٕنیُوک، گۄڈٕ عزت تہٕ گۄڈٕ انصاف”۔