مودی تہٕ اڈانی چھِ ہِوی:راہول

کانگریس کِس سٲبقہٕ صدر تہٕ لوک سبھا ہَس منٛز اپوزیشن لیڈر راہول گاندھی یَن کوٚر برٛسوارِ دۄہ صنعت کار گوتم اڈانی سٕنٛز گرفتٲری ہُنٛد مطالبہٕ، تہٕ تٔمِس پٮ۪ٹھ چھُ پرٛٮ۪تھ جایہِ رُشوَت خوری ہُنٛد الزام لگوٚومُت تہٕ ووٚنُن زِ وزیر اعظم نریندر مودی تہٕ اڈانی چھِ ہِشی تہٕ اَمی مۄکھٕ چھُنہٕ یِمَن خٕلاف کانٛہہ تہِ کاروٲیی یِوان کرنہٕ۔ یہِ زِ امریکی پراسیکیوشن ایجنسیَن چھِ رُشوَت خوری کِس سلسلَس منٛز اڈانی یَس خٕلاف چارج شیٹ دٲخل کٔرمٕژ۔ امریکہَس منٛز چھِ اڈانی سٕنٛدِس رُشوَت خٕلاف قدم مگر ہندوستانَس منٛز چھِنہٕ یِمَن خٕلاف کانٛہہ تہِ کاروٲیی یِوان کرنہٕ۔
تٔمۍ کوٚر سیکیورٹیز اینڈ ایکسچینج بورڈ آف انڈیا (سیبی) چہِ چیئرپرسن مادھوی باخُک تہِ حوالہٕ تہٕ ووٚن زِ سۄ چھِ اڈانی سۭتۍ تہِ وابستہٕ تہٕ چھِ یِہنٛدِ حصٕک قۭمَت بڑاونس منٛز مدد کران، لہاذا چھُنہٕ سۄ تمام الزامَو باوجوٗد ہٹاونہٕ یِوان۔
تٔمۍ ووٚن زِ لۄکٹٮ۪ن سرمایہِ کارَن چھُ اڈانی یَس خٕلاف کاروٲیی نہٕ آسنہٕ کِنۍ واریاہ خطرٕ۔