کشمیٖر یونیورسٹی کوٚر جموں و کشمیرَس منٛز سٹارٹ اپ ایکو سسٹم مضبوٗط بناونہٕ خٲطرٕ بوٹ کیمپُک انعقاد۔

کشمیر یونیورسٹی (کے یو) کٔر خطٕچ جدت طرازی تہٕ کاربٲری ماحولی نظامَس بڑاونہٕ تہٕ نوجوانَن ہٕنٛدِ قیادتَس منٛز کارٕبٲرۍ پہل قدمَن ہٕنٛز حوصلہٕ افزٲیی کرنہٕ خٲطرٕ ‘اگنائٹ بوٹ کیمپ: سپرنٹ ٹو سٹارٹ اپ سکسیس’ ناوٕ سۭتۍ دۄن دۄہَن ہُنٛد تقریٖب منعقد۔ اَمہِ تقریبہِ ہُنٛد اہتمام اوس کے یوٗ ہٕکۍ نیو جین آی ای ڈی سی تہٕ بزنس انوویشن اینڈ انکیوبیشن سینٹرَن ALSiSAR امپیکٹ، ممبئیہِ سۭتۍ شراکتَس منٛز تہٕ وزارت الیکٹرانکس تہٕ انفارمیشن ٹیکنالوجی (MeitY)، حکومت ہند کہِ مدتہٕ سۭتۍ کرنہٕ آمُت۔ اتھ تقریبَس منٛز کٔر پوٗرٕ مُلکہٕ پیٹھٕ سٹارٹ اپ بٲنی ، سرمایہ کار تہٕ سرپرستَو شرکت۔ بوٹ کیمپَس منٛز ٲسۍ ماسٹر کلاس، ہینڈ آن ورکشاپ، مینٹرشپ سیشن، پینل ڈسکشن، تہٕ لائیو پچنگ راؤنڈ شٲمِل۔ دوٚن دۄہَن ہِنٛدِس کیمپ کِس اختتامی اجلاسَس منٛز ووٚن کے یوٗ ہٕکۍ وائس چانسلر، پروفیسر نیلوفر خانَن زِ یونیورسٹی چھِ منظم اقداماتَو ذٔریعہٕ پنُن اختراعی ماحولی نظام بڑاونہٕ باپتھ وقف۔