وادی منٛزپُلیسُک بوٚڈ کریک ڈاوُن، ہتہٕ بٔدٮ۪ن جاین پٮ۪ٹھ اَکی وِزِ چھاپہٕ، واریاہ نفر گِرِفتار، قابل اعتراض مواد تہِ ضبط ۔

جموں و کشمیر پولیسَن کٔر وادی کٮ۪ن تقریباً تمام ضِلعن منٛز ممنوعہ تنظیمہِ جماعت اسلامیس خٕلاف اکھ بٔڑ مربوط کاروٲیی ۔ اَتھ کاروٲیی دوران ترٛٲوۍ پولیس، سپیشَل آپریشنز گروپ، سی آر پی ایف تہٕ باقٕے سیکورٹی ایجنسیَن ہِنٛدیو مُشترکہٕ ٹیٖمو کولگام، اننت ناگ، شوپیان، پلوامہ، اننت ناگ، سوپور تہٕ گاندربل ضِلعن منٛز ہتہٕ بٔدۍ مقامن پٮ۪ٹھ بیک وقت چھاپہٕ

اینٹی غٲر قونوٗنی سرگرمین ہٕنٛدِس ایکٹس تحت آو یہِ آپریشن تَمہِ وِزِ شُروٗع کرنہٕ ییٚلہِ انٹیلی جنس ذرایعَن یہِ اطلاع میٖج زِ جماعت اسلامیٕکۍ کینٛہہ سٲبقہٕ رُکُن تہٕ ہمدرد چھِ مُختٔلِف ناوَن تہٕ سمٲجی تنظیمَن ہٕنٛدِس آڑس منٛز پنٕنۍ سرگرمی دوبارٕ شروع کرنٕچ کوٗشِش کران۔

پولیس ذرایعو مُطٲبِق آیہِ سارِوٕے کھۄتہٕ بٔڑ کاروٲیی جنوٗبی کشمیر کِس کوگام ضِلعَس منٛز کرنہٕ۔ پٔتِمٮ۪ن ژورَن دۄہَن منٛز چھِ پولیسَن 200 کھۄتہٕ زِیٛادٕ مقامَن پٮ۪ٹھ چھاپہٕ ترٛٲومٕتی۔