لال قِلعہٕ دھماکہٕ چھُ اِنسٲنِیتس تہٕ امنَس پٮ۪ٹھ حملہٕ: ڈاکٹر فاروق عبداللہ

جموں و کشمیر نیشنل کانفرنسٕکۍ صدر ڈاکٹر فاروق عبداللہَن کٔر دِلہِ ہٕنٛدِس لال قعلس منٛز وحشیانہ دھماکٕچ سخٕت مذمت تہٕ یہِ دیُتُن قرار زِیہِ چُھ بُزدِلی تہٕ غٲر انسٲنی عمل ییٚمیُک مقصد معصوم لوٗکَن ہٕنٛدٮ۪ن دِلَن منٛز خوف تہٕ دہشت پٔھہلاوُن چھُ۔
أکِس بیانَس منٛز ووٚن ڈاکٹر فاروق عبداللہ ہَن زِ ‘یِتھِس ظالمانہٕ ملی ٹنٹ حملٕچ مذمت کرنہٕ خٲطرٕ چھِ لفٕظ کم۔ یِم دھماکہٕ چھِ نہٕ صِرِف بےٚ گناہ شہریَن ہِنٛزِ زِنٛدگی نشانہٕ بناوان بٔلکہِ چھےٚ اِنسٲنِیت تہٕ امن کِس جذبَس پٮ۪ٹھ تہِ حملہٕ کران۔ میون دِل چُھ دۅکھ زد تِمن سارِنٕے خاندانن خٲطرٕ یِمو پنٕنۍ ٹٲٹھۍ رٲوۍمٕتۍ چھِ تہٕ ہسپتالن منٛز زِنٛدگی تہٕ موتَس درمیان یِم جدوجہد کران چھِ۔ غم تہٕ صدمہٕ کِس یتھ وقتس منٛز چھُ سورُے قوم اکوٹہٕ کھڑا ۔’
ڈاکٹر فاروق عبداللہ ہَن کٔر مرن والٮ۪ن ہٕنٛدٮ۪ن عیالَن سۭتۍ سٮ۪ٹھاہ ہمدردی ہُنٛد اظہار تہٕ کوٚرُن زخمیَن ہٕنٛز جلد صحت یابی خٲطرٕ دُعا۔ تٔمۍ دِیُت حُکامَن پٮ۪ٹھ زور زِ تِم کٔرِن امہِ بُزدِلی حرکتٕکۍ مُجرِم جلد از جلد انصاف کِس کٹھگرس منٛز کھڑا۔