مودی حکومتن چھِ شفاف حکمرٲنی ہٕنٛز مثال قٲیِم کٔرمٕژ، رُشوَت خوری ہُنٛد اکھ تہِ الزام چھُنہٕ: شاہ

مرکزی وزیر داخلہ امیت شاہن ووٚن برٛسوارِ دۄہ زِ مودی حکومتن چھِ ہندوستانَس منٛز شفافیت سۭتۍ حکومت چلاونٕچ اکھ مثال قٲیِم کٔرمٕژ تہٕ 10 ؤرۍ یَن منٛز چھُنہٕ رُشوَت خوری ہُنٛد اکھ تہِ واقعہٕ پیش آمُت۔ ییٚمہِ حکوٗمت کِس دورَس منٛز ہٮ۪کَو نہٕ ٹھوس الزام لگٲوِتھ۔
اَمیُک موازنہٕ پٔتِمِس یونائیٹڈ پروگریسیو الائنس حکومتس سۭتۍ کٔرِتھ ووٚن تٔمۍ زِ تَمہِ وِزِ ٲس لچھہٕ بٔدۍ کرور رۄپیَن ہٕنٛز رُشوَت خوری تہٕ بینکنگ نظام اوس تباہ گوٚمُت۔ شاہ اوس رازدٲنہِ منٛز صنعتی اِدارٕ پی ایچ ڈی سی سی آی کِس 119 ہِمِس سالانہٕ کنونشنَس منٛز بطورِ مہمان خصوصی بولان۔
"2014 برٛونٛہہ (مودی سٕنٛز گۄڈٕنِچ حکومت بننہٕ برٛونٛہہ) 12 لچھ کرور رۄپیَن ہٕنٛدۍ بدعنوٲنی ہٕنٛدۍ گھوٹالہٕ گٔیہٕ، مگر مودی سرکار کٮ۪ن 10 ؤرۍ یَن منٛز کوٚر سانٮ۪و مُخٲلِفن اسہِ پٮ۪ٹھ رُشوَت خوری ہُنٛد الزام تہِ۔ أسۍ چھِ یژھہِ شفاف حکومتٕچ مثال قٲیِم کٔرمٕژ