ای ڈی چھُ مودی سٕنٛز گُڈِنۍ بنیمٕژ: اے اے پی

عام آدمی پارٹی (اے اے پی) یَن کوٚر بۄدوارِ دۄہ انفورسمنٹ ڈائریکٹوریٹ (ای ڈی) پٮ۪ٹھ وزیر اعظم نریندر مودی سٕنٛز "کَٹھ پُتلی” آسنُک الزام تہٕ ووٚنُن زِ تُہۍ کُنہِ تہِ حربہٕ استعمال کٔرِو، تٔمۍ سٕنٛز پارٹی کَرِ نہٕ جھکُن تہٕ روزِ لڑان۔
عام آدمی پارٹی ہٕنٛدۍ سینئر لیڈر تہٕ راجیہ سبھا ایم پی سنجے سنگھَن کوٚر سوشل میڈیا پلیٹ فارم ایکس یَس پٮ۪ٹھ اکھ ویڈیو جٲری تہٕ ووٚنُن زِ حالانٛکہِ سپریم کورٹ چھُ ای ڈی یَس ڈانٛٹھ دِوان، مگر تِمَن چھُ بار بار خبردار کرنہٕ یِوان زِ تِم کرَن نہٕ بغض سۭتۍ تحقیقات تہٕ تِم جیلَس منٛز تھاوُن چھُ تُہنٛد وٲحِد مقصد۔ امہِ باووٚجوٗد ووت ای ڈی آز صُبحٲے اوکھلا ایم ایل اے امانت اللہ خان سٕنٛدِس گَھرس منٛز۔مسٹر سنگھَن ووٚن زِ أکِس وقتس منٛز ییٚلہِ أمۍ سٕنٛزِ ماجہِ کینسر وُچھنہٕ آو تہٕ آپریشن کوٚرمُت، ییٚمیُک اطلاع ای ڈی یَس دِنہٕ چھُ یِوان۔ مسٹر امانت اللہ سٕنٛدِ ؤکیٖلن اوس پنٛنہِ ماجہِ ہِنٛزِ بٮ۪مارِ ہُنٛد حوالہٕ دِتھ ای ڈی یس نِش کینٛہہ دۄہَن ہُنٛد وقت منٛگمُت