شیواجی سُنٛد مجسمہٕ پٮ۪نہٕ خٲطرٕ چُھنہٕ وزیر اعظم سُنٛد دھمکی واجِنۍ معٲفی قٲبلِ قبول : پون کھیرا

آل انڈیا کانگریس کمیٹی میڈیاہَن ووٚن زِ وزیر اعظم نریندر مودیَن چھُ بظاہر چھترپتی شیواجی مہاراج سُنٛد مجسمہٕ پٮ۪نہٕ خٲطرٕ معذرت کٔرمٕژ، نہ صرف مہاراشٹرَس منٛز بلکہ سٲرِسٕے مُلکَس منٛز، امہِ واقعہٕ سۭتۍ چھِ لوٗکَن ہٕنٛدۍ جذبات مجروح گٔمٕتۍ، مگر وزیر اعظم سٕنٛدِ طرفہٕ دھمکی آمیز لہجہِ منٛز معٲفی ہٮ۪کو نہٕ قبول کٔرِتھ۔ محکمہٕ کِس صدر پون کھیرا ہَن ووٚن۔آتھٕوارِ دۄہ گاندھی بھونس منٛز صحافیَن سۭتۍ کَتھ کران پون کھیراہَن ووٚن زِ بی جے پی ٲس شیواجی یَس مُخٲلِف تہٕ أمۍ چھُ مہاراشٹرَس پٮ۪ٹھ چھُرِ سۭتۍ چھُرِ شیواجی مہاراج سُنٛد اعزاز یِیہِ نہٕ کُنہِ تہِ قۭمتَس پٮ۪ٹھ برداش کرنہٕ۔ نامہ نگارن ہٕنٛدٮ۪ن سوالن ہُنٛد جواب دِتھ ووٚن پون کھیراہن زِ یہِ چھُ باسان زِ دیویندر فڈنویسن چھُنہٕ پنڈت نہرو سٕنٛز کِتاب ‘ڈسکوری آف انڈیا’ پوٗرٕ پٲٹھۍ پٔرمٕژ۔ پنڈت نہرون لیٚچھ 3 مئی 1936 ہَس منٛز دیوگریکر تہٕ سری پرکاشَس اکھ چِٹھۍ یَتھ منٛز دوٚیمِس ایڈیشنَس منٛز ترمیم کرنہٕ خٲطرٕ حوالہٕ منٛگنہٕ آیہِ۔