عالمی بینکَن کٔر ہندوستانٕچ ترقی ہٕنٛز پیشن گویی بڑٲوِتھ۔۔

ہِنٛدُستانٕچ ترقی ہِنٛز شرح موٗجوٗدٕ مٲلی ؤرِیس منٛز 7.0 فیٖصد تہٕ یِنہٕ وٲلِس مٲلی ؤرِیس منٛز 6.7 فیٖصد روزنُک اندازٕ لگاوان، عالمی بینکَن ووٚن برٛسوارِ دۄہ زِ لیبر فورسس منٛز زنانَن ہٕنٛز شرکتَس منٛز اضافہٕ تہٕ عالمی تجارت تہٕ سرمایہِ کٲری خٲطرٕ برٛونٛہہ پکِتھ غٲر استعمال شُدٕ صلاحیتہٕ استعمال کرنہٕ سۭتۍ ہیٚکہِ ترقی ہٕنٛدۍ اہداف حٲصِل کرنس منٛز مدد مِلتھ۔

عالمی بینکَن کوٚر یہِ تخمینہٕ آز جٲری پننِس تازٕ ترین جنوٗبی ایشیا ڈویلپمنٹ اپ ڈیٹس منٛز۔

گۄڈٕنِچہِ رِپورٹ کِس مُقابلَس منٛز چھُ ہندوستانٕچ ترقی ہُنٛد تخمینہٕ موٗجوٗدٕ مٲلی ورۍ یَس منٛز 0.7 فیصد تہٕ یِنہٕ وٲلِس مٲلی ورۍ یَس منٛز 0.4 فیصد ہُرٮ۪ر گوٚمُت۔