شوپیاں کِس زینہٕ پورِس منٛز نار، پانٛژن دُکانَن نۄقصان۔

جنوٗبی کشمیر کِس شوپیاں ضلعہٕ کِس اونیرا زیناپورہ علاقَس منٛز نار لگنہٕ کِس واقعَس منٛز گٔیہِ پانٛژھ دُکان زالنہٕ۔ ذٔرایعن ووٚن زِ راتھ رٲژ لَگ بَگ 10 بجہِ لوٚگ شوپیاں کِس اونیرا زیناپورہ علاقَس منٛز أکِس شاپنگ کمپلیکسَس منٛز نار۔ تٔمۍ ووٚن زِ نارَس منٛز گوٚو کمپلیکسَس منٛز پانٛژھ دُکانَن نۄقصان یِمَن منٛز اکھ ٹینٹ ہاؤس، سیمنٹ دُکان، درزی دُکان بیترِ شٲمِل چھِ۔ تٔمۍ ووٚن زِ فائر ٹینڈرَن تہٕ مقٲمی لوکَن کوٚر نارَس پٮ۪ٹھ قوبوٗ تہٕ رُکٲوُکھ یہِ بیٚیہِ پھٔہلنہٕ نِش۔
اَتھ واقعَس منٛز چھُنہٕ کانٛہہ تہِ جٲنی نۄقصانٕچ اطلاع دِنہٕ آمٕژ، ییٚلہِ زَن نار لگنُک وجہہ چھُ معلوم یِوان کرنہٕ۔